ആസാമിലെ ദേശീയ പൗരത്വ രജിസ്ട്രേഷനുമായി ബന്ധപ്പെട്ട് ഏറ്റുമുട്ടലിനു ശേഷം ബിജെപി ദേശീയ അധ്യക്ഷന് അമിത് ഷാ പശ്ചിമ ബംഗാള് മുഖ്യമന്ത്രി മമത ബാനര്ജിയുമായി വീണ്ടും കൊമ്ബുകോര്ക്കുന്നു. കോല്ക്കത്തയില് ഈ മാസം 11 ന് നടത്താന് നിശ്ചയിച്ച റാലിക്ക് അനുമതി നിഷേധിച്ചതാണ് ഷായെ ചൊടുപ്പിച്ചത്. കോല്ക്കത്തയില് താന് എത്തുമെന്നും പോലീസ് തന്നെ അറസ്റ്റ് ചെയ്യട്ടെയെന്നായിരുന്നു ഷായുടെ വെല്ലുവിളി. റാലി നടത്താന് സംസ്ഥാന സര്ക്കാരിന്റെ അനുമതി ആവശ്യമില്ലെന്നും ഷാ പ്രതികരിച്ചു.
എന്നാല് ബിജെപി അധ്യക്ഷന്റെ വെല്ലുവിളി പുറത്തുവന്നതിനു പിന്നാലെ റാലിക്ക് അനുമതി നിഷേധിച്ചിട്ടില്ലെന്ന പ്രസ്താവനയുമായി കോല്ക്കത്ത പോലീസ് രംഗത്തുവന്നു. റാലിക്ക് നേരത്തെ തന്നെ അനുമതി നല്കിയിരുന്നതാണ്. സാമൂഹമാധ്യമങ്ങളിലൂടെ അഭ്യൂഹം പരന്നതുകൊണ്ടാണ് വിശദീകരണം നല്കുന്നതെന്നും കോല്ക്കത്ത പോലീസ് അറിയിച്ചു.