ശ്രീനഗർ: ജമ്മു കാഷ്മീരിൽ ഭീകരരുമായി ഉണ്ടായ ഏറ്റുമുട്ടലിൽ സൈനികന് വീരമൃത്യു. കാഷ്മീരിലെ പുൽവാമയിൽ വ്യാഴാഴ്ച രാത്രിയാണ് ഏറ്റുമുട്ടൽ ആരംഭിച്ചത്. ഒരു ഭീകരനെയും സൈന്യം വധിച്ചു.
പുൽവാമയിലെ ഹൻജിൻ വില്ലേജിൽ പരിശോധന നടത്തിയ സൈന്യത്തിനുനേരെ ഭീകരർ വെടിയുതിർക്കുകയായിരുന്നു. തുടർന്നു സൈന്യം ശക്തമായി തിരിച്ചടിച്ചു. ഏറ്റുമുട്ടൽ ഇപ്പോഴും തുടരുകയാണ്.
ഏറ്റുമുട്ടലിൽ ഒരു സൈനികന് പരിക്കേറ്റുവെന്നും ഇയാളെ ആശുപത്രിയിൽ പ്രവേശിപ്പിച്ചുവെന്നും സൈനിക വൃത്തങ്ങൾ അറിയിച്ചു