ബംഗളൂരു: ബിജെപിയെ അധികാരത്തില് നിന്ന് ഇറക്കാന് കോണ്ഗ്രസ് ജെഡിഎസ് ശ്രമം ശക്തം. കൊഴിഞ്ഞുപോക്ക് ഒഴിവാക്കാന് നെട്ടോട്ടം ഓടുകയാണ് ഇരു പാര്ട്ടികളും. തങ്ങളുടെ എംഎല്എമാരെ എങ്ങനെയും ഒപ്പം നിര്ത്താനുള്ള പെടാപ്പാടിലാണ് കോണ്ഗ്രസും, ജെഡിഎസും. ബിജെപിക്കെതിരെയും ആരോപണങ്ങള് ഉയരുന്നുണ്ട്.
ജെ.ഡി.എസ് എം.എല്.എമാര്ക്ക് സംരക്ഷണം ഒരുക്കാന് സന്നദ്ധരായി തെലങ്കാനയും ആന്ധ്രയും രംഗത്തെത്തിയിട്ടുണ്ട്. ആന്ധ്ര മുഖ്യമന്ത്രി ചന്ദ്രബാബു നായിഡുവും തെലങ്കാന മുഖ്യമന്ത്രി കെ. ചന്ദ്രശേഖര് റാവുവും എം.എല്.എമാര്ക്ക് അഭയം നല്കാമെന്ന് ജെ.ഡി.എസിനെ അറിയിച്ചു.
ഇടതു മുന്നണി ഭരിക്കുന്ന കേരളത്തിലേക്കാണ് കോണ്ഗ്രസ് തങ്ങളുടെ എം.എല്.എമാരെ മാറ്റുന്നത്.
മോദി സര്ക്കാറില് നിന്ന് ധാരാളം പ്രശ്നങ്ങള് നേരിടുമെന്ന് തങ്ങള്ക്കറിയാമെന്ന് കോണ്ഗ്രസ് നേതാവ് ഡി.കെ ശിവകുമാര് പറഞ്ഞു. അവര് തങ്ങളെ ജയിലിലയക്കുമായിരിക്കാം. എന്നാല് ഒട്ടും ഭയമില്ലാതെ തങ്ങള് പുറത്തുവരും. എം.എല്.എമാരെ എങ്ങനെ സംരക്ഷിക്കണമെന്ന് തനിക്കറിയാമെന്നും ശിവകുമാര് പറഞ്ഞു.