ലണ്ടന്‍: നഗരത്തില്‍ ലോറി കണ്ടയ്നറില്‍ 39 മൃതദേഹങ്ങള്‍ കണ്ടെത്തിയ സംഭവത്തില്‍ ഡ്രൈവര്‍ അറസ്റ്റില്‍. വാട്ടര്‍ഗ്ലാഡ് വ്യവസായ പാര്‍ക്കിലാണ് മൃതദേഹങ്ങളടങ്ങിയ ലോറി കണ്ടെത്തിയത്. വടക്കന്‍ അയര്‍ലാന്‍ഡ് സ്വദേശിയായ 25കാരനാണ് സംഭവവുമായി ബന്ധപ്പെട്ട് അറസ്റ്റിലായത്.
ബള്‍ഗേറിയയിലാണ് ലോറിയുടെ രജിസ്ട്രേഷന്‍ നടത്തിയിരിക്കുന്നത്. ഹോളിഹെഡ് വഴി ശനിയാഴ്ചയാണ് വാഹനം യു.കെയിലെത്തിയത്. വലിയ ദുരന്തമാണ് ഉണ്ടായിരിക്കുന്നത് 39 പേര്‍ക്കാണ് ജീവന്‍ നഷ്ടമായത്. ഇതുമായി ബന്ധപ്പെട്ട് കൂടുതല്‍ അന്വേഷണം ആരംഭിച്ചിട്ടുണ്ടെന്ന് ചീഫ് സുപ്രണ്ട് ആന്‍ഡ്രു മാരിനര്‍ പറഞ്ഞു.
മരിച്ചവരെ തിരിച്ചറിയാനുള്ള ശ്രമങ്ങള്‍ ആരംഭിച്ചു.കേസന്വേഷണവുമായി ബന്ധപ്പെട്ട് മറ്റ് രാജ്യങ്ങളിലെ പൊലീസിെന്‍റ കൂടി സഹായം തേടുമെന്നും അദ്ദേഹം വ്യക്തമാക്കി.
