ചലച്ചിത്ര നിര്മാണ-വിതരണ കമ്ബനിയായ ഓഗസ്റ്റ് സിനിമാസില് നിന്ന് നടന് പൃഥിരാജ് പിന്മാറി. തന്റെ ഒൗദ്യോഗിക ഫേസ്ബുക്ക് പേജിലൂടെയാണ് അദ്ദേഹം ഇക്കാര്യം അറിയിച്ചത്. എപ്പോഴും കമ്ബനിയുടെ ഭാഗവാക്കാകാന് കഴിഞ്ഞേക്കില്ലെന്നും ഒറ്റക്ക് യാത്ര തുടരാന് സമയാമെന്നും പൃഥ്വി ഫേസ്ബുക്കില് കുറിച്ചു.
കലാമൂല്യമുള്ള സിനിമകള് ചെയ്യാന് ഒപ്പമുണ്ടായിരുന്ന പങ്കാളികള്ക്ക് നന്ദി അറിയിക്കുന്നു. ബൃഹത്തായ ഓര്മകളോടെ ഹൃദയം നിറഞ്ഞ നന്ദിയോടെ അഭിമാനിക്കാവുന്ന തരത്തിലുള്ള ഒരു പിടി ചിത്രങ്ങളുമായി ഓഗസ്റ്റ് സിനിമാസിനോട് വിട ചൊല്ലുന്നു. പങ്കാളികളായ ഷാജി നടേശനും സന്തോഷ് ശിവനും ആര്യയ്ക്കും ആശംസകള്. കമ്ബനിയുടെ അഭ്യുദയകാംഷിയായി താന് തുടരുമെന്നും പൃഥ്വിരാജ് വ്യക്തമാക്കി.
കാമറമാന് സന്തോഷ് ശിവന്, നിര്മാതാവ് ഷാജി നടേശന് എന്നിവര്ക്കൊപ്പം ചേര്ന്ന് 2010ലാണ് പൃഥിരാജ് ഓഗസ്റ്റ് സിനിമാസ് തുടങ്ങുന്നത്. തമിഴ് നടന് ആര്യയും ഈ കൂട്ടായ്മയില് പിന്നീട് പങ്കാളിയായി. ദി ഗ്രേറ്റ് ഫാദറാണ് ഓഗസ്റ്റ് സിനിമാസിന്റെ അവസാനം പുറത്തിറങ്ങിയ ചിത്രം.
ഉറുമി, ഇന്ത്യന് റൂപ്പീസ്, കടല് കടന്നൊരു മാത്തുക്കുട്ടി, സപ്തമശ്രീ തസ്കര, ഡബിള് ബാരല്, ഡാര്വിന്റെ പരിണാമം, അനുരാഗ കരിക്കിന് വെള്ളം തുടങ്ങിയവയാണ് ഓഗസ്റ്റ് സിനിമാസ് നിര്മ്മാണവും വിതരണവും നിര്വഹിച്ച ചിത്രങ്ങള്.
FLASHNEWS