ലഡാക്ക്: കിഴക്കന് ലഡാക്ക് സെക്ടറിലെ ഇന്ത്യ- ചൈന അതിര്ത്തിയില് വെടിവയ്പ്പ് നടന്നതായി റിപ്പോര്ട്ടുകള്. മൂന്ന് മാസത്തിലേറെയായി ഇന്ത്യയുടെയും ചൈനയുടെയും സൈനികര് നിലകൊള്ളുന്ന അതിര്ത്തി പ്രദേശത്ത് വെടിവയ്പ്പ് നടന്നതായാണ് വിവരം.
വാര്ത്താ ഏജന്സിയായ എഎന്ഐയാണ് ഇക്കാര്യം റിപ്പോര്ട്ട് ചെയ്തത്. അതേസമയം ഇതുസംബന്ധിച്ച ഒൗദ്യോഗിക പ്രതികരണങ്ങള് ലഭ്യമായിട്ടില്ല. ഫിംഗര് ഏരിയ ഉള്പ്പെടെ ഒന്നിലധികം പ്രദേശങ്ങളില് ചൈനീസ് സൈന്യം നടത്തിയ അതിക്രമങ്ങളെച്ചൊല്ലി ഇന്ത്യയും ചൈനയും തമ്മിലുള്ള ബന്ധം ഏപ്രില് മുതല് തീര്ത്തും വഷളായ നിലയിലാണ്. ജൂണില് ഗാല്വാന് താഴ്വരയില് ചൈനീസ് സൈനികരുമായുള്ള ഏറ്റുമുട്ടലില് 20 ഇന്ത്യന് സൈനികര് വീരമൃത്യു വരിച്ചതിനെ തുടര്ന്നാണ് സ്ഥിതി കൂടുതല് വഷളായത്. കഴിഞ്ഞ മൂന്ന് മാസമായി അഞ്ചുവട്ടം ഉന്നതതല ചര്ച്ചകള് നടത്തിയെങ്കിലും ഫലമുണ്ടായില്ല.