ലഖ്നോ: ഇന്ധന വില വര്ധനവില് ഉത്തര്പ്രദേശിലെ ബി.ജെ.പി സര്ക്കാരിനെ രൂക്ഷമായി വിമര്ശിച്ച് ബി.എസ്.പി അധ്യക്ഷ മായാവതി. ഇന്ധന വില വര്ധന ക്രൂരമായ തീരുമാനമാണെന്നും അത് യു.പിയിലെ ദരിദ്ര-ഇടത്തരക്കാരെ ബാധിക്കുമെന്നും മായാവതി ട്വീറ്റ് ചെയ്തു.ഉത്തര്പ്രദേശില് പെട്രോളിന് ഒരു രൂപയും ഡീസലിന് 2.5 രൂപയും വര്ധിപ്പിച്ചു. തിങ്കളാഴ്ച അര്ധരാത്രി മുതല് വില വര്ധന പ്രാബല്യത്തില് വന്നു.
‘പെട്രോള്, ഡീസല് വില വര്ധിപ്പിക്കാനുള്ള യു.പി സര്ക്കാറിന്െറ തീരുമാനം ക്രൂരമാണ്. അത് പണപ്പെരുപ്പത്തിലേക്ക് നയിക്കുകയും കോടിക്കണക്കിന് ദരിദ്ര-ഇടത്തരം കുടുംബങ്ങളെ ബാധിക്കുകയും ചെയ്യും. പണപ്പെരുപ്പത്താലും തൊഴിലില്ലായ്മയാലും മോശം ക്രമസമാധാന സാഹചര്യങ്ങള്കൊണ്ടും വലഞ്ഞ ജനങ്ങളെ ഇന്ധന വിലവര്ധന കൂടുതല് ബുദ്ധിമുട്ടിലാക്കും. ജനങ്ങളുടെ ക്ഷേമത്തില് സര്ക്കാര് ശ്രദ്ധ പുലര്ത്തുന്നത് നന്നായിരിക്കും.’ മായാവതി അഭിപ്രായപ്പെട്ടു.