ആലപ്പുഴ: കണിച്ചുകുളങ്ങരയ്ക്കു സമീപം ദേശീയപാതയില് കെഎസ്ആര്ടിസി ബസും ട്രാവലറും കൂട്ടിയിടിച്ച് പ്രതിശ്രുതവരന് ഉള്പ്പെടെ മൂന്നു പേര് മരിച്ചു. കണ്ണൂര് മട്ടന്നൂര് സ്വദേശികളായ വനീഷ് (25) വിജയകുമാര് (38) പ്രസന്ന (55) എന്നിവരാണ് മരിച്ചത്. വെള്ളിയാഴ്ച പുലര്ച്ചെയായിരുന്നു അപകടം.
വാനിലെ മറ്റു യാത്രക്കാരായ എട്ട് പേര്ക്കും ബസിന്റെ ഡ്രൈവര്ക്കും കണ്ടക്ടര്ക്കും പരിക്കേറ്റു. പരുക്കേറ്റ 3 പേര് കുട്ടികളാണ്. പരിക്കേറ്റവരെ ആലപ്പുഴ വണ്ടാനം മെഡിക്കല് കോളജ് ആശുപത്രിയില് പ്രവേശിപ്പിച്ചു. വിവാഹ നിശ്ചയ ചടങ്ങ് കഴിഞ്ഞ് തിരുവനന്തപുരത്തുനിന്നും കണ്ണൂരിലേക്കു മടങ്ങുകയായിരുന്ന സംഘമാണ് അപകടത്തില്പ്പെട്ടത്. ഇടിയുടെ ആഘാതത്തില് വാന് രണ്ടായി പിളര്ന്നു. പോലീസും നാട്ടുകാരും ചേര്ന്ന് ഏറനേരം ശ്രമിച്ചാണ് പരിക്കേറ്റവരെയും മരിച്ചവരെയും വാനില്നിന്നും പുറത്തെടുത്തത്.
തിരുവനന്തപുരം ഭാഗത്തേയ്ക്കുവരികയായിരുന്ന കെഎസ്ആര്ടിസി ബസിലാണ് ട്രാവലര് ഇടിച്ചത്. അമിതവേഗമാണ് അപകടത്തിനു കാരണമായതെന്ന് പോലീസ് പറയുന്നു.