അഗസ്റ്റ വെസ്റ്റ്ലാന്ഡ് ഹെലിക്കോപ്റ്റര് ഇടപാടുമായി ബന്ധപ്പെടുത്തി യുപിഎ അധ്യക്ഷ സോണിയ ഗാന്ധിയുടെ പേരു പറയാന് കേന്ദ്ര സര്ക്കാര് ഇടനിലക്കാരന് ക്രിസ്റ്റ്യന് മൈക്കിളിനെ നിര്ബന്ധിച്ചെന്ന ആരോപണവുമായി കോണ്ഗ്രസ്. അന്വേഷണ ഏജന്സികളെ ഉപയോഗിച്ച് പ്രധാനമന്ത്രി നരേന്ദ്ര മോദി പ്രതിപക്ഷ നേതാക്കളെ മലിനമാക്കാന് ശ്രമിക്കുകയാണെന്നും കോണ്ഗ്രസ് കുറ്റപ്പെടുത്തി.
ക്രിസ്റ്റ്യന് മൈക്കിളിന്റെ അഭിഭാഷകനെ കേന്ദ്രവും ഏജന്സികളും സോണിയ ഗാന്ധിയുടെ പേര് രേഖപ്പെടുത്തിയ കുറ്റസമ്മത മൊഴിയില് ഒപ്പിടാന് നിര്ബന്ധിച്ചെന്ന് കോണ്ഗ്രസ് വക്താവ് രണ്ദീപ് സുര്ജെവാല ആരോപിച്ചു. പ്രതിപക്ഷ നേതാക്കള്ക്കുനേരെ ഇത്തരത്തില് പ്രതികാര നടപടി സ്വീകരിച്ച ഒരു പ്രധാനമന്ത്രിയെ ഇന്ത്യ ചരിത്രത്തില് കാണാന് കഴിയില്ലെന്നും അദ്ദേഹം കുറ്റപ്പെടുത്തി.
വിവിഐപികള്ക്കായി ആംഗ്ലോ-ഇറ്റാലിയന് കന്പനിയായ അഗസ്റ്റ വെസ്റ്റ്ലാന്ഡില്നിന്നു 12 അത്യാധുനിക ഹെലിക്കോപ്റ്ററുകള് 3,727 കോടി രൂപയ്ക്കു വാങ്ങാനുള്ള ഇടപാടില് സര്ക്കാരിനു 2,666 കോടി രൂപയുടെ നഷ്ടമുണ്ടാക്കിയെന്നാണു കേസ്. തുക പെരുപ്പിച്ചു കാണിക്കാന് രാഷ്ട്രീയക്കാര്ക്കും വ്യോമസേനാ മുന് തലവന് എസ്.പി.ത്യാഗി ഉള്പ്പെടെ ഉന്നത ഉദ്യോഗസ്ഥര്ക്കും 452 കോടിയോളം രൂപ കൈക്കൂലി നല്കിയിരുന്നെന്നും സിബിഐ കണ്ടെത്തി.