ഗുവാഹത്തി• അസമില് വ്യവസായിയുടെ വീട് റെയ്ഡ് ചെയ്ത സംസ്ഥാന പൊലീസ് രേഖകളില്ലാത്ത 1.55 കോടി രൂപ പിടിച്ചെടുത്തു. പുതിയ രണ്ടായിരത്തിന്റെയും അഞ്ഞൂറിന്റെയും നോട്ടുകളാണ് പിടിച്ചെടുത്തത്. ഗുവാഹത്തിയില് ഹോട്ടലും ബാറും സ്വന്തമായുള്ള ഹാര്ദീസിങ് ബേദി എന്ന വ്യവസായിയുടെ വസതിയില്നിന്നാണ് ഈ വന്തുക കണ്ടെടുത്തത്.
പിടിച്ചെടുത്ത 1.55 കോടി രൂപയില് 75,000 രൂപ പുതിയ 500 രൂപാ നോട്ടുകളുടേതാണ്. ബാക്കിയുള്ളത് പുതിയ 2000 രൂപാ നോട്ടുകളും. കണ്ടെടുത്ത പണം ആദായ നികുതി വകുപ്പിന് കൈമാറിയതായി പൊലീസ് അറിയിച്ചു.
