വടക്കഞ്ചേരി അപകടത്തില് മരിച്ചവരില് ബാസ്കറ്റ് ബോള് ദേശീയ താരവും. തൃശൂര് നടത്തറ മൈനര് റോഡ് സ്വദേശി രോഹിത് രാജ് (24) ആണ് മരിച്ചത്.
അപകടത്തില്പ്പെട്ട കെഎസ്ആര്ടിസി ബസിലെ യാത്രക്കാരനായിരുന്നു രോഹിത്. ഇദ്ദേഹം തൃശൂരില്നിന്നാണ് കോയമ്ബത്തൂരിലേക്ക് പോകാന് ബസില് കയറിയതെന്നാണ് വിവരം. രോഹിതിന്റെ മൃതദേഹം ആലത്തൂര് ആശുപത്രിയിലാണ്. ആശുപത്രിയിലെത്തിയ ബന്ധുക്കളാണ് രോഹിതിന്റെ മൃതദേഹം തിരിച്ചറിഞ്ഞത്.