തദ്ദേശസ്ഥാപനങ്ങളിലെ അധ്യക്ഷപദവികളിലേക്കുള്ള സംവരണ പട്ടിക പുറത്തിറങ്ങിയപ്പോള് കോഴിക്കോട് കോര്പറേഷന് മേയര്സ്ഥാനവും ജില്ല പഞ്ചായത്ത് പ്രസിഡന്റ് സ്ഥാനവും വനിത സംവരണം. െകായിലാണ്ടി, വടകര, രാമനാട്ടുകര നഗരസഭകളും വനിത സംവരണമാണ്. മുക്കം നഗരസഭ അധ്യക്ഷന് പട്ടികജാതി വിഭാഗത്തിനായി സംവരണം ചെയ്തു.
ജില്ലയില് 35 ഗ്രാമപഞ്ചായത്തുകളില് വനിതകള് പ്രസിഡന്റാകും. 32 എണ്ണത്തില് വനിത സംവരണമാണ്. കുരുവട്ടൂര്, കാരശ്ശേരി, കടലുണ്ടി പഞ്ചായത്തുകളില് പട്ടിക ജാതി വനിത സംവരണവും. കൂടാതെ ചെറുവണ്ണൂര്, ചങ്ങരോത്ത്, മടവൂര് പഞ്ചായത്ത് പ്രസിഡന്റു സ്ഥാനത്തും പട്ടിക ജാതി സംവരണമാണ്. വടകര, തൂണേരി, കുന്നുമ്മല്, തോടന്നൂര്, കോഴിക്കോട് ബ്ലോക്ക് പഞ്ചായത്തുകളില് പ്രസിഡന്റു സ്ഥാനം വനിത സംവരണമാണ്. ബാലുശ്ശേരി ബ്ലോക്ക് പഞ്ചായത്ത് പ്രസിഡന്റു പദവി പട്ടികജാതി വനിത സംവരണമായും പ്രഖ്യാപിച്ചു.
വനിത സംവരണമുള്ള പഞ്ചായത്തുകള്: അഴിയൂര്, ഏറാമല, ചെക്യാട്, പുറമേരി, തൂണേരി, വാണിമേല്, എടച്ചേരി, കുന്നുമ്മല്, വേളം, കുറ്റ്യാടി, വില്യാപ്പള്ളി, തിരുവള്ളൂര്, കീഴരിയൂര്, തിക്കോടി, നൊച്ചാട്, ഉള്ള്യേരി, കൂത്താളി, ബാലുശ്ശേരി, ഉണ്ണികുളം, ചേമഞ്ചേരി, ചെങ്ങോട്ടുകാവ്, അത്തോളി, കക്കോടി, നന്മണ്ട, തലക്കുളത്തൂര്, തിരുവമ്ബാടി, കൊടിയത്തൂര്, കിഴക്കോത്ത്, കുന്ദമംഗലം, പുതുപ്പാടി, പെരുവയല്, ഒളവണ്ണ.