ദുബായ്: സാമൂഹ്യമാധ്യമ സൈറ്റുകള് നിയന്ത്രിക്കാന് കര്ശന മാനദണ്ഡങ്ങളുമായി യുഎഇ ഭരണകൂടം. സോഷ്യല് മീഡിയയിലൂടെ യുഎഇയെ ഉപയോഗിച്ചു കൂടുതല് അനുയായികളെ തേടാന് ചിലര് ശ്രമിക്കുന്നെന്നു ചൂണ്ടിക്കാട്ടി യുഎഇ ഉപരാഷ്ട്രപതിയും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന് റാഷിദ് അല് മക്തൂം എഴുതിയ കത്തിന് പിന്നാലെയാണ് നടപടി.
തത്സമയ വാര്ത്തകളും സോഷ്യല് മീഡിയ ഫീഡുകളും നിരീക്ഷിക്കാന് യുഎഇ മന്ത്രിസഭ ദേശീയ മാധ്യമ കൗണ്സിലിനു (എന്എംസി) നിര്ദേശം നല്കി.എല്ലാ ഫെഡറല് അധികാരികളും പൗരന്മാരുടെ അന്വേഷണങ്ങള്ക്കും പരാതികള്ക്കും മറുപടി നല്കുന്നുണ്ടെന്ന് ഉറപ്പുവരുത്തണമെന്നും എംഎന്സി നിര്ദേശിച്ചു.
