തിരുവനന്തപുരം: രൂക്ഷമായ കടലാക്രമണം നേരിടുന്ന വലിയതുറ കടപ്പുറം സന്ദര്ശിക്കാനെത്തിയ മന്ത്രി കെ. കൃഷ്ണന്കുട്ടിക്കെതിരെ നാട്ടുകാർ പ്രതിഷേധം നടത്തി . പ്രതിഷേധക്കാര് മുദ്രാവാക്യം വിളികളുമായി മന്ത്രിയെ തടഞ്ഞു. കടലാക്രമണത്തിന് ശാശ്വത പരിഹാരം കാണണമെന്ന് ആവശ്യപ്പെട്ടാണ് പ്രതിഷേധക്കാര് മന്ത്രിയെ തടഞ്ഞത്.
പ്രതിഷേധത്തെ തുടര്ന്നു വേണ്ട നടപടികള് ഉടന് സ്വീകരിക്കുമെന്ന് മന്ത്രി പറഞ്ഞു. കഴിഞ്ഞ ദിവസങ്ങളിലുണ്ടായ കടല് ക്ഷോഭത്തില് നിരവധി വീടുകളാണ് തകര്ന്നത്. വീട്ടുപകരണങ്ങള് ഉള്പ്പെടെ പൂര്ണമായും നശിച്ചിരുന്നു. കടല്ക്ഷോഭം ഈ നിലയില് തുടര്ന്നാല് കൂടുതല് വീടുകള് തകരുമെന്ന ഭീതിയിലാണു ജനങ്ങള്.
