ഡല്ഹിയില് സ്ഥിരീകരിച്ച 75 ശതമാനം കൊവിഡ് കേസുകളിലും രോഗലക്ഷണങ്ങില്ലാത്തവരും ചെറിയ ലക്ഷണങ്ങള് മാത്രം പ്രകടമാക്കുന്നവരുമാണെന്നും ഇത് ആശങ്ക ഉയര്ത്തുന്നതായും മുഖ്യമന്ത്രി അരവിന്ദ് കേജ്രിവാള്. ഡല്ഹിയില് കൊവിഡ് ബാധിച്ച് മരിച്ചവരില് ഭൂരിഭാഗവും 50 വയസിന് മുകളില് പ്രായമുളളവരാണെന്ന് കേജ്രിവാള് വ്യക്തമാക്കി. കൊവിഡ് രോഗം വന്ന് മരിച്ചവരില് 82 ശതമാനവും പ്രായമായവരാണ്.ഇത് അപകടസാധ്യത കൂടുതല് പ്രായമായവരിലാണ് എന്നതാണ് സൂചിപ്പിക്കുന്നതെന്നും കേജ്രിവാള് വാര്ത്താസമ്മേളനത്തില് പറഞ്ഞു.നിലവില് സംസ്ഥാനത്ത് ഇതുവരെ 7000ത്തോളം പേര്ക്ക് കോവിഡ് സ്ഥിരീകരിച്ചു. 1500 പേര് ആശുപത്രികളില് ചികിത്സയിലാണ്. ഇതില് 27 പേര് വെന്റിലേറ്ററിന്റെ സഹായത്തോടെയാണ് ജീവന് നിലനിര്ത്തുന്നതെന്നും കേജ്രിവാള് വാര്ത്താ സമ്മേളനത്തില് പറഞ്ഞു.
