തിരുവനന്തപുരം: ജൂണ് 18 മുതല് പരീക്ഷണടിസ്ഥാനത്തില് 15 ദിവസത്തേക്ക് കെഎസ്ആര്ടിസിയുടെ ഇലക്ട്രിക് ബസ് സര്വീസ് ആരംഭിക്കുന്നതാണ്.തിരുവനന്തപുരം നഗരത്തിലാണ് നിലവില് ഇപ്പോള് പരീക്ഷണാടിസ്ഥാനത്തില് ബസോടിക്കുന്നത്. മാത്രമല്ല,കര്ണാടക, ആന്ധ്ര, ഹിമാചല്പ്രദേശ്, മഹാരാഷ്ട്ര, തെലുങ്കാന എന്നിവിടങ്ങളില് സര്വീസ് നടത്തുന്ന ഗോള്ഡ് സ്റ്റോണ് ഇന്ഫ്രാടെക് ലിമിറ്റഡ് എന്ന കമ്ബനിയാണ് തലസ്ഥാനത്തും പരീക്ഷണ സര്വീസ് നടത്തുന്നത്.
ഇ-ബസുകളുടെ വില വരുന്നത് 1.5 കോടി മുതലാണ്. കൂടാതെ ഒരു ചാര്ജിങ്ങില് 150 കിലോമീറ്റര് വരെ ഓടാവുന്ന ബസുകളാണു നിലവില് സര്വീസ് നടത്തുക. എന്നാല് വില കൂടുതലായതിനാല് നേരിട്ടു ബസ് വാങ്ങുന്നതിനു പകരം ഇലക്ട്രിക് ബസുകള് വാടകയ്ക്കെടുത്ത് ഓടിക്കാന് കെഎസ്ആര്ടിസി നേരത്തേ തീരുമാനിച്ചിരുന്നതാണ്.അതിനാല് കിലോമീറ്റര് നിരക്കില് വാടകയും വൈദ്യുതിയും കണ്ടക്ടറെയും കെഎസ്ആര്ടിസി നല്കുകയും ചെയ്യുന്നതാണ്. ബസിന്റെ മുതല്മുടക്കും അറ്റകുറ്റപ്പണിയും ഡ്രൈവറും ഉള്പ്പെടെയുള്ളവ കരാര് ഏറ്റെടുക്കുന്ന കമ്ബനിയാണു വഹിക്കേണ്ടത്.
നിലവില് പരീക്ഷണടിസ്ഥാനത്തില് സര്വ്വീസ് നടത്താന് പോകുന്ന കെഎസ്ആര്ടിസിയുടെ ഇലക്ട്രിക് ബസുകളില് 40 പുഷ് ബാക്ക് സീറ്റുകളും,അതോടൊപ്പം സിസിടിവി ക്യാമറ, ജിപിഎസ്, വിനോദ സംവിധാനങ്ങള് തുടങ്ങിയ സൗകര്യങ്ങളും ഉള്പ്പെടുത്തിയിട്ടുണ്ട്. ഇതു വിജയിക്കുകയാണെങ്കില് സംസ്ഥാനത്തു മുന്നൂറോളം വൈദ്യുത ബസുകള് സര്വീസിനിറക്കാനാണ് കെഎസ്ആര്ടിസി ആലോചിക്കുന്നത്. നേരത്തെ ഇലക്ട്രിക് ബസുകള് വാങ്ങി സര്വീസ് നടത്താനാണ് കെഎസ്ആര്ടിസി ആലോചിച്ചിരുന്നത്. എന്നാല് കേന്ദ്രസര്ക്കാരിന്റെ സബ്സിഡി കൂടി പ്രയോജനപ്പെടുത്തിയാലും വന് സാമ്ബത്തികബാധ്യത വരുമെന്നതിനാല് ഈ ശ്രമം മുന്നോട്ടുപോയില്ല.
