ഓസ്ട്രേലിയയ്ക്കെതിരായ അവസാന രണ്ടു ഏകദിനങ്ങള്ക്കുള്ള ഇന്ത്യന് ടീമിനെ പ്രഖ്യാപിച്ചു. ഇടംകയ്യന് സ്പിന്നര് അക്സര് പട്ടേല് തിരിച്ചെത്തിയപ്പോള് ഓള്റൗണ്ടര് രവീന്ദ്ര ജഡേജ പുറത്തായി. പരിശീലനത്തിനിടെ പരിക്കേറ്റതോടെ ആദ്യ മൂന്നു മല്സരങ്ങള്ക്കുള്ള ടീമില് അക്സറിന് ഇടംപിടിക്കാനായിരുന്നില്ല.
അഞ്ച് ഏകദിനങ്ങളടങ്ങിയ പരമ്പരയില് ഇന്ത്യ 3-0ന് മുന്നിലാണ്. വ്യാഴാഴ്ച ബംഗളൂരുവിലാണ് നാലാം ഏകദിനം നടക്കുക. അവസാന ഏകദിനം ഒക്ടോബര് ഒന്നിന് നാഗപ്പൂരില് നടക്കും.
ടീം: വിരാട് കോഹ്ലി(ക്യാപ്റ്റന്), രോഹിത് ശര്മ്മ, മനീഷ് പാണ്ഡെ, കേദര് ജാദവ്, എം.എസ് ധോണി, കെ.എല്. രാഹുല്, അജിങ്ക്യ രഹാനെ,അക്സര് പട്ടേല്, ഹാര്ദിക് പാണ്ഡ്യെ, ജസ്പ്രീത് ബുംറ, മുഹമ്മദ് ഷമി, ഉമേഷ് യാദവ്, ഭൂവനേശ്വര് കുമാര്, കുല്ദീപ് യാദവ്, യുസ്വേന്ദ്ര ചാഹല്.
