മുണ്ടക്കൈ, ചൂരല്മല ഉരുള്പൊട്ടല് ദുരന്തത്തില് ഇതുവരെ സ്ഥിരീകരിച്ചത് 151 മരണം. ഇതില് 94 മൃതദേഹങ്ങളൂം മേപ്പാടി കമ്യുണിറ്റി ഹെല്ത്ത് സെന്ററില് ആണ്.
11 എണ്ണം തിരിച്ചറിഞ്ഞിട്ടില്ല. 52 മൃതദേഹങ്ങള് ഇവിടെനിന്ന് ബന്ധുക്കള്ക്ക് കൈമാറി.
ചാലിയാറിലൂടെ 38 കിലോമീറ്റര് ഒഴുകി നിലമ്ബൂരില് കരയ്ക്കടിഞ്ഞത് 32 മൃതദേഹങ്ങളും 25 ശരീര ഭാഗങ്ങളും ആണ്. ഈ ശരീരങ്ങള് ഇപ്പോള് നിലമ്ബൂര് ജില്ലാ ആശുപത്രിയില് ആണ്. 211 പേരെ കാണാനില്ലെന്ന വിവരമാണ് ബന്ധുക്കളില് നിന്ന് കിട്ടിയിരിക്കുന്നത്.
ഇതുവരെ 481 പേരെ രക്ഷപ്പെടുത്തി. മൂവായിരത്തിലധികം പേരാണ് ദുരിതാശ്വാസ ക്യാംപുകളില് കഴിയുന്നത്. 186 പേരാണ് വിവിധ ആശുപത്രികളില് ചികിത്സയില് കഴിയുന്നത്. ദുരന്തത്തിന്റെ രണ്ടാം ദിനമായ ഇന്ന് ഏഴ് മണിക്ക് തെരച്ചില് ആരംഭിക്കും. ഒറ്റപ്പെട്ട സ്ഥലങ്ങളിലേക്ക് കൂടുതല് സൈന്യമെത്തും.
