ഇന്ത്യന് ടെന്നീസില് പുതുചരിത്രം രചിക്കാന് രാംകുമാര് രാമനാഥനായില്ല. ന്യൂപോര്ട്ടില് നടന്ന ഹാള് ഓഫ് ഫെയിം ഓപ്പണ് ഫൈനലില് രാംകുമാര് യുഎസിന്റെ സ്റ്റീവന് ജോണ്സനോടു പരാജയപ്പെട്ടു. സ്കോര്: 5-7, 6-3, 2-6.
ലിയാന്ഡര് പെയ്സിന് ശേഷം എടിപി സിംഗിള്സ് കിരീടം നേടുന്ന ആദ്യ ഇന്ത്യക്കാരനെന്ന നേട്ടമാണ് രാംകുമാറിന് നഷ്ടമായത്. 1998ലാണ് പെയ്സിന്റെ ഹാള് ഓഫ് ഫെയിം ടൂര്ണമെന്റ് വിജയം. തോറ്റതില് സങ്കടമുണ്ട്. എന്നാല് ഇവിടെ വരെ എത്താനായതില് സന്തോഷവുമുണ്ടെന്ന് രാംകുമാര് പ്രതികരിച്ചു.
ഫൈനലില് തോറ്റെങ്കിലും എടിപി റാങ്കിംഗില് മുന്നേറാന് രാംകുമാറിനായി. 161-ാം സ്ഥാനത്തായിരുന്ന രാംകുമാര് 46 സ്ഥാനങ്ങള് മെച്ചപ്പെടുത്തി 115-ാം സ്ഥാനത്തെത്തി.
