എസ്എസ്എല്സി പരീക്ഷാഫലം പ്രഖ്യാപിച്ചു. തിരഞ്ഞെടുപ്പ് പെരുമാറ്റച്ചട്ടം നിലനില്ക്കുന്നതിനാല് വിദ്യാഭ്യാസമന്ത്രിക്കു പകരം ചീഫ് സെക്രട്ടറി പി കെ മൊഹന്തിയാണു ഫലം പ്രഖ്യാപിച്ചത്. ഇക്കുറി 96.59 ശതമാനമാണ് വിജയം. കഴിഞ്ഞ വര്ഷത്തെ അപേക്ഷിച്ച് 2ശതമാനം കുറവാണിത്. 22879 പേര്ക്ക് എല്ലാ വിഷയങ്ങളിലും എ പ്ലസ് ലഭിച്ചു. 1207 സ്കൂളുകള് 100ശതമാനം വിദ്യാര്ഥികളെ വിജയിപ്പിച്ചു. ഏറ്റവും കൂടുതല് വിജയശതമാനം പത്തനംതിട്ട ജില്ലയിലാണ്. ഏറ്റവും കുറവ് വയനാട് ജില്ലയിലും.
