എറണാകുളത്ത് എച്ച് 1 എൻ 1 (H1 N1) ബാധിച്ച് നാല് വയസുകാരൻ മരിച്ചു. ആലങ്ങാട് ഒളനാട് സ്വദേശി സ്വദേശി ലിയോണ് ലിബു ആണ് മരിച്ചത്.ഇന്നലെയാണ് പനി ബാധിതനായ ലിയോണിനെ സ്വകാര്യ ആശുപത്രിയില് പ്രവേശിപ്പിച്ചത്.
എച്ച് വണ് എൻ വണ് പോസിറ്റീവായിരുന്നു എന്ന് ആശുപത്രി അധികൃതര് സ്ഥിരീകരിച്ചു.മലപ്പുറത്ത് എച്ച് വണ് എൻ വണ് ബാധിച്ച് കഴിഞ്ഞ ദിവസം ഒരാള് മരിച്ചിരുന്നു. പൊന്നാനി സ്വദേശി സൈഫുനിസ്സയാണ് മരിച്ചത്. 47 വയസ്സായിരുന്നു. രണ്ടാഴ്ച മുൻപാണ് സൈഫുനിസക്ക് പനി ബാധിച്ചത്.
പനി മൂർച്ഛിച്ചതിനെ തുടർന്ന് ഈ മാസം 14നാണ് തൃശൂർ കുന്നംകുളത്തെ സ്വകാര്യ ആശുപത്രിയില് പ്രവേശിപ്പിച്ചത്. ആശുപത്രിയില് ചികിത്സയിലിരിക്കെയായിരുന്നു മരണം.
