എന്സിപി സംസ്ഥാന പ്രസിഡന്റ് ഉഴവൂര് വിജയനെ ഗുരുതരാവസ്ഥയില് ആശുപത്രിയില് പ്രവേശിപ്പിച്ചു. കൊച്ചിയിലെ സ്വകാര്യ ആശുപത്രിയില് തീവ്രപരിചരണ വിഭാഗത്തിലാണ് പ്രവേശിപ്പിച്ചത്. വെന്റിലേന്ററിന്റെ സഹായത്തോടെയാണ് ജീവന് നിലനിര്ത്തുന്നത്.
ഹൃദയ, ഉദര സംബന്ധ അസുഖങ്ങളെ തുടര്ന്ന് ഈ മാസം 11 മുതല് കൊച്ചിയിലെ ആശുപത്രിയില് ചികിത്സയിലായിരുന്നു. കഴിഞ്ഞ ദിവസം ആരോഗ്യനില മോശമായതിനെ തുടര്ന്ന് വെന്റിലേറ്ററിലേക്ക് മാറ്റുകയായിരുന്നു.
ഇന്ന് മുന്മന്ത്രി എകെ ശശീന്ദ്രന് എംഎല്എ, ടിപി പീതാംബരന് മാസ്റ്റര് എന്നിവരും ആശുപത്രിയിലെത്തിയിട്ടുണ്ട്. സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് ആശുപത്രിയിലെത്തി അദ്ദേഹത്തെ സന്ദര്ശിച്ചിരുന്നു.
