ട്രെയിനിൽ സെൽഫി എടുക്കുന്നതിനു കർശന നിരോധനം ഏർപ്പെടുത്തി റെയിൽവേ പോലീസ്. പ്ലാറ്റ്ഫോമിൽ നിന്നും ഓടുന്ന ട്രെയിനിന്റെ പടികളിൽ നിന്നും സെൽഫി എടുക്കുന്നതിനാണ് നിരോധനം. നിയമം ലംഘിക്കുന്നവര്ക്കെതിരെ ഇന്ത്യന് റയില്വേ ആക്ട്, ഇന്ത്യന് ശിക്ഷാ നിയമം എന്നിവ പ്രകാരം നടപടികള് സ്വീകരിക്കും.
ട്രെയിനിന്റെ മുകള്ഭാഗം, ചവിട്ടുപടി, എന്ജിന് എന്നിവിടങ്ങളില് നിന്ന് യാത്ര ചെയ്യുന്നതും സെൽഫിയെടുക്കുന്നതും കുറ്റകരമാണ്. എന്നാല് സുരക്ഷിതമായ സാഹചര്യങ്ങളില് സെല്ഫിയെടുക്കുന്നതിന് നിയന്ത്രണങ്ങളില്ലെന്ന് ജി.ആര്.പി. സൂപ്രണ്ട് പി. വിജയകുമാര് പറഞ്ഞു.
