മഹാരാജാസ് കോളേജിലെ ബിരുദ വിദ്യാര്ഥി അഭിമന്യു കൊല്ലപ്പെട്ട കേസില് കസ്റ്റഡിയിലെടുത്ത മൂന്നുപേരുടെ അറസ്റ്റ് പോലീസ് രേഖപ്പെടുത്തി. ബിലാല്, ഫാറൂഖ്, റിയാസ് എന്നിവരുടെ അറസ്റ്റാണ് രേഖപ്പെടുത്തിയത്. ഇവരടക്കം അഞ്ചുപേരെ പോലീസ് കസ്റ്റഡിയിലെടുത്തിരുന്നു.
സാക്ഷിമൊഴികളുടെ അടിസ്ഥാനത്തില് സംഭവവുമായി ബന്ധമുള്ള പത്തുപേരെ പോലീസ് തിരിച്ചറിഞ്ഞിട്ടുണ്ട്. മഹാരാജാസ് കോളേജില് പുതുതായി അഡ്മിഷനെടുത്ത വിദ്യാര്ഥിയാണ് അറസ്റ്റിലായ ഫാറൂഖ്. ആലുവയിലെ സ്വകാര്യ കോളേജിലെ എം.ബി.എ വിദ്യാര്ഥിയാണ് ബിലാല്. ഫോര്ട്ട്കൊച്ചി സ്വദേശിയായ 37കാരന് റിയാസ് വിദ്യാര്ഥിയല്ല.
എറണാകുളം സെന്ട്രല് സ്റ്റേഷന് സി.ഐ അനന്തലാലിനാണ് കേസിന്റെ അന്വേഷണ ചുമതല. ഇനിയും പിടികൂടാനുള്ള പ്രതികള്ക്കുവേണ്ടി പോലീസ് ലുക്കൗട്ട് നോട്ടീസ് പുറപ്പെടുവിക്കും.
