വയനാട് ദുരന്തത്തിന് ഇരയായവരെ മാതൃകപരമായി പുനരധിവസിപ്പിക്കും.ദുരന്തത്തില് സമൂഹമെന്ന നിലയ്ക്ക് ഒറ്റകെട്ടായി രംഗത്ത് ഇറങ്ങാൻ കഴിഞ്ഞെന്ന് മുഖ്യമന്ത്രി പിണറായി വിജയൻ. മികച്ച പിന്തുണ പൊതുസമൂഹത്തിന്റെ ഭാഗത്ത് നിന്നും ലഭിക്കുന്നുണ്ട്. ലക്ഷ്യമിടുന്നത് ലോകോത്തരമായ പുനരധിവാസമാണ്.ഉരുള് പൊട്ടല് ഉണ്ടായ സ്ഥലം വാസയോഗ്യമല്ല. പുതിയ സ്ഥലം കണ്ടെത്തണം. കേന്ദ്ര സഹായം പ്രതീക്ഷിക്കുന്നുവെന്നും മുഖ്യമന്ത്രി പറഞ്ഞു.
പ്രകൃതി ദുരന്തവുമായി ബന്ധപ്പെട്ട മുന്നറിയിപ്പുകള് കൃത്യമായി ഉണ്ടാകുന്നില്ല. ദേശീയ ഏജൻസികള് കൂടുതല് കൃത്യതയോടെ ആകാര്യങ്ങള് നിർവഹിക്കണം. സംസ്ഥാനം എന്ന നിലയ്ക്ക് കേരളവും പുതിയ ശ്രമങ്ങള് നടത്തണമെന്നും മുഖ്യമന്ത്രി പറഞ്ഞു.അഴിമതി കുറഞ്ഞ സംസ്ഥാനമാണ് കേരളം. തദ്ദേശ സ്ഥാപനങ്ങളിലെ അഴിമതി ഇല്ലാതാക്കണം. ജനങ്ങളെ സേവിക്കാനാണ് ശ്രമിക്കേണ്ടത് ബുദ്ധിമുട്ടിക്കാൻ അല്ല.
ജനങ്ങള് ഉദ്യോഗസ്ഥരുടെ മുന്നില് ഓച്ഛാനിച്ച് നില്ക്കേണ്ടതില്ല. കാലം കുറെ കടന്ന് പോയി. അപേക്ഷകള് പരിഗണിക്കുന്നതില് ഒരു കാലതാമാസവും ഉണ്ടാകരുതെന്നും മുഖ്യമന്ത്രി അറിയിച്ചു. അതേസമയം മുണ്ടക്കൈ ചൂരല്മല ഉരുള്പൊട്ടലില് കാണാതായവര്ക്കുള്ള ജനകീയ തിരച്ചില് ഇന്ന് അവസാനിപ്പിക്കും. ഇനിമുതല് ആവശ്യാനുസരണം ഉള്ള തിരച്ചില് ആയിരിക്കും നടക്കുക. ഇതിനായി വിവിധ സേനാംഗങ്ങള് തുടരും.
