ഗാസയില് ഇസ്രയേല് നടത്തുന്ന ആക്രമങ്ങളില് ആദ്യമായി രൂക്ഷ വിമര്ശനവുമായി അമേരിക്കന് പ്രസിഡന്റ് ജോ ബൈഡന് രംഗത്ത്. ഗാസയിലേത് വകതിരിവില്ലാത്ത ബോംബാക്രമണെന്നും ഇസ്രയേലിന് ലോകജനതയില്നിന്ന് ലഭിച്ച പിന്തുണ നഷ്ടമാകുകയാണെന്നും ജോ ബൈഡന് പറഞ്ഞു. യുദ്ധം തുടങ്ങിയതിന് ശേഷം ഇതാദ്യമായാണ് ബൈഡന് ഇസ്രയേലിനെ വിമര്ശിക്കുന്നത്.
ഇസ്രയേലിലെ ബെഞ്ചമിന് നെതന്യാഹു സര്ക്കാറിന്റെ നിലപാടുകള് മാറണമെന്നും വാഷിംഗ്ടണില് ഡെമോക്രാറ്റിക് പാര്ട്ടി അനുകൂലികളുടെ യോഗത്തില് ബൈഡന് പറഞ്ഞു. നെതന്യാഹു സര്ക്കാരാണ് ഇസ്രയേല്പലസ്തീന് പ്രശ്ന പരിഹാരത്തിന് തടസ്സമാകുന്നത്. ദ്വിരാജ്യ ഫോര്മുലക്ക് വേണ്ടി നെതന്യാഹു ശ്രമിക്കില്ലെന്നും അമേരിക്കന് പ്രസിഡന്റ് ജോ ബൈഡന് കുറ്റപ്പെടുത്തി.
