ഡൽഹിയിൽ അമിത വേഗതയിൽ എത്തിയ ഥാർ കാർ ഇടിച്ച് രണ്ടുപേർ മരിച്ചു , എട്ട് പേർക്ക് പരിക്ക് . മലൈ മന്ദിർ പ്രദേശത്താണ് അപകടം നടന്നത്.സമീർ, മുന്ന എന്നിവരാണ് മരിച്ചത്. മറ്റു വാഹനങ്ങളിലും കാർ ഇടിച്ചു.ചികിത്സക്കിടെയാണ് ഇവർ മരിച്ചതെന്ന് പൊലീസ് പറഞ്ഞു. ഥാറിന്റെ ഡ്രൈവർ അമിത വേഗത്തിലാണ് വാഹനമോടിച്ചതെന്നും നിയന്ത്രണം നഷ്ടപ്പെട്ടതാണ് അപകടകാരണമെന്നും പൊലീസ് പറഞ്ഞു.
ബുധനാഴ്ച വൈകുന്നേരം 7:30നാണ് സംഭവം നടന്നത്.പരിക്കേറ്റവർ ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് ട്രോമ സെന്ററിൽ ചികിത്സയിലാണെന്നും ഉദ്യോഗസ്ഥർ പറഞ്ഞു. ആർകെ പുരത്തെ വസന്ത് വിഹാറിലെ ശിവ ക്യാമ്പ്, ഏകതാ വിഹാർ എന്നിവിടങ്ങളിലെ താമസക്കാർക്കാണ് പരിക്കേറ്റതെന്ന് പൊലീസ് പറഞ്ഞു. അപകടത്തിൽ ഥാർ കാറിന് മുറമെ രണ്ട് കാറുകൾക്കും പാതയോരത്തെ വിൽപന ശാലകൾക്കും കേടുപാടുകൾ പറ്റി.
