പരുമല ആശുപത്രിയിലെ വധശ്രമക്കേസില് വനിതാ കമ്മീഷന് സ്വമേധയാ കേസെടുത്തു. ദുരൂഹതകളുള്ള കേസ് എന്നത് പരിഗണിച്ചാണ് നടപടി. ഒരാഴ്ചയ്ക്കകം റിപ്പോര്ട്ട് സമര്പ്പിക്കാന് പുളിക്കീഴ് സ്റ്റേഷന് ഹൗസ് ഓഫീസര്ക്ക് വനിതാ കമ്മീഷന് നിര്ദ്ദേശം നല്കി.കായംകുളം കരിയിലക്കുളങ്ങര സ്വദേശിനിയായ സ്നേഹയെ(24)യാണ് കായംകുളം പുല്ലുകുളങ്ങര കണ്ടല്ലൂര് വെട്ടത്തേരില് കിഴക്കേതില് അനുഷ (30) കൊല്ലാന് ശ്രമിച്ചത്.
സ്നേഹയുടെ ഭര്ത്താവ് അരുണിനെ സ്വന്തമാക്കാന് വേണ്ടിയാണ് അനുഷ സ്നേഹയെ കാലി സിറിഞ്ച് കുത്തിവെച്ച് കൊലപ്പെടുത്താന് ശ്രമിച്ചതെന്നാണ് മൊഴി. ഐപിസി 1860, 419, 450, 307 വകുപ്പുകള് പ്രകാരമാണ് അനുഷക്കെതിരെ കേസ് രജിസ്റ്റര് ചെയ്തിട്ടുള്ളത്.
