വെല്ലിങ്ടണ്‍: ന്യൂസിലന്‍ഡില്‍ ഒരുവര്‍ഷത്തിന് ശേഷം കോവിഡ് കേസുകളില്‍ വന്‍ വര്‍ധന. കഴിഞ്ഞദിവസം 68 പുതിയ കേസുകളാണ് രാജ്യത്ത് റിപ്പോര്‍ട്ട് ചെയ്തത്.2020 ഏപ്രിലിന് ശേഷം ആദ്യമായാണ് 68ഓളം കേസുകള്‍ പ്രതിദിനം റിപ്പോര്‍ട്ട് ചെയ്യുന്നത്. ഡെല്‍റ്റ വകഭേദമാണ് രാജ്യത്ത് പടര്‍ന്നുപിടിക്കുന്നതെന്നതും ആശങ്കയുണ്ടാക്കുന്നുണ്ട്.
കോവിഡ് വ്യാപനം ശ്രദ്ധയില്‍പ്പെട്ടതോടെ രാജ്യത്ത് കര്‍ശന ലോക്ഡൗണ്‍ ഏര്‍പ്പെടുത്തിയിരുന്നു. 277 കേസുകളാണ് ഇപ്പോള്‍ നിലവിലുള്ളത്.
ലോക്ഡൗണ്‍ ഫലപ്രദമാണെന്നും കേസുകള്‍ ഉടന്‍ കുറക്കാനാകുമെന്നും പ്രധാനമന്ത്രി ജസീന്ത ആര്‍ഡന്‍ പ്രതീക്ഷ പങ്കുവെച്ചു.
കഴിഞ്ഞ ആഴ്ചയാണ് രാജ്യത്ത് ആദ്യമായി ഓക്ലന്‍ഡില്‍ ഡെല്‍റ്റ വകഭേദം സ്ഥിരീകരിക്കുന്നത്. ഒരാഴ്ചക്കുള്ളില്‍ കേസുകളുടെ എണ്ണം 277 ആയി ഉയരുകയായിരുന്നു.
