അഫ്ഗാനിസ്ഥാനില് പെണ്കുട്ടികള്ക്ക് സര്വകലാശാല വിദ്യാഭ്യാസം വിലക്കി താലിബാന് ഭരണകൂടം.പെണ്കുട്ടികളുടെ സര്വകലാശാല വിദ്യാഭ്യാസം ഇനിയൊരു ഉത്തരവുണ്ടാകുംവരെ നിര്ത്തിവെക്കണമെന്നാണ് അഫ്ഗാനിസ്ഥാനിലെ ഉന്നത വിദ്യാഭ്യാസമന്ത്രി നേദാ മുഹമ്മദ് നദീമിന്്റെ ഉത്തരവ്.നിര്ദ്ദേശം ഉടന് നടപ്പാക്കണമെന്ന് സര്ക്കാര് – സ്വകാര്യ സര്വകലാശാലകള്ക്ക് അയച്ച കത്തില് അദ്ദേഹം പറഞ്ഞു.
രാജ്യത്ത് താലിബാന് അധികാരം പിടിച്ചതിന് പിന്നാലെതന്നെ സര്വകലാശാലകളില് പെണ്കുട്ടികള്ക്ക് കര്ശന നിയന്ത്രണങ്ങള് ഏര്പ്പെടുത്തിയിരുന്നു. ആണ്കുട്ടികള്ക്കും പെണ്കുട്ടികള്ക്കുമിടയില് കര്ട്ടനിട്ട് വേര്തിരിച്ച പ്രത്യേക ക്ലാസ് മുറികള് ഏര്പ്പെടുത്തുകയും പെണ്കുട്ടികളെ വനിതാ അധ്യാപകരോ മുതിര്ന്ന പുരുഷ അധ്യാപകരോ മാത്രമെ ക്ലാസെടുക്കാവു എന്നും താലിബാന് നിര്ദ്ദേശിക്കുകയും ചെയ്തിരുന്നു. ഇതിനു തുടര്ച്ചയായി ആണ് സര്വകലാശാല വിദ്യാഭ്യാസത്തിനുതന്നെ പെണ്കുട്ടികള്ക്ക് വിലക്കേര്പ്പെടുത്തി ഉത്തരവിറക്കിയിരിക്കുന്നത്.
