മിര്‍പൂര്‍: ഇന്ത്യന്‍ ടീമിനെതിരെ രൂക്ഷ വിമര്‍ശനവുമായി ഗവാസ്‌കര്‍. ഇന്ത്യന്‍ ടീം സെലക്ഷനില്‍ പക്ഷപാതിത്വമുണ്ടെന്ന് ഗവാസ്‌കര്‍ പറഞ്ഞു. അഫ്ഗാനിസ്ഥാനെതിരായ മത്സരത്തിലെ ലൈവ് കമന്ററിക്കിടെയാണ് ഗവാസ്‌കര്‍ ഇന്ത്യന്‍ ടീമിനെതിരെ വിമര്‍ശനം നടത്തിയത്.ഏഷ്യാ കപ്പിലെ മത്സരങ്ങളില്‍ പുതുമുഖങ്ങളായ ചേതേശ്വര്‍ പൂജാരയെയും, ഈശ്വര്‍ പാണ്ഡെയും ടീമില്‍ ഉള്‍പ്പെടുത്താതിരുന്നതിനെയാണ് ഗവാസ്‌കര്‍ വിമര്‍ശിച്ചത്. പകരക്കാര്‍ വന്ന് തിളങ്ങിയാല്‍ പതിവുകാര്‍ക്ക് സ്ഥാനം നഷ്ടമാകുമോ എന്ന ഭീതിമൂലമാകാം അപ്രധാന മത്സരത്തില്‍ പോലും റിസര്‍വ് താരങ്ങളെ കളിപ്പിക്കാത്തതെന്നും ഗവാസ്‌കര്‍ പറഞ്ഞു.
