ഷാരോണ് വധക്കേസില് വിചാരണ തമിഴ്നാട്ടിലേക്ക് മാറ്റണമെന്നാവശ്യപ്പെട്ട് ഗ്രീഷ്മ അടക്കമുള്ള പ്രതികള് നല്കിയ ഹര്ജി ഹൈക്കോടതി ഇന്ന് വീണ്ടും പരിഗണിക്കും . അപേക്ഷ കീഴ്ക്കോടതി തള്ളിയതിനെ തുടര്ന്നാണ് പ്രതികള് ഹൈക്കോടതിയെ സമീപിച്ചത്.കുറ്റകൃത്യം നടന്നത് കേരളത്തിലെ കോടതിയുടെ പരിധിയിലല്ലെന്നും വിചാരണ നടത്താനുള്ള അധികാരം തമിഴ്നാട്ടിലെ കോടതിക്കാണെന്നും ചൂണ്ടിക്കാട്ടിയാണ് ഹര്ജി.
ഗ്രീഷ്മയോടൊപ്പം കൂട്ടുപ്രതികളായ ഗ്രീഷ്മയുടെ അമ്മ സിന്ധു, അമ്മാവന് നിര്മല് കുമാരന് എന്നിവരാണ് ഹര്ജി നല്കിയിരിക്കുന്നത്. കേസില് പ്രതികള്ക്കെതിരെ കുറ്റം ചുമത്തിയിട്ടില്ലെങ്കില് മൂന്നാഴ്ചത്തേക്ക് നീട്ടിവെക്കാന് ഹൈക്കോടതി ഇടക്കാല ഉത്തരവിട്ടിരുന്നു.
