ഇസ്ലാമാബാദ്: വിലക്കയറ്റത്തിനും പ്രധാനമന്ത്രി ഇമ്രാൻ ഖാൻ സർക്കാരിന്റെ ജനവിരുദ്ധ നയങ്ങൾക്കുമെതിരേ പാക്കിസ്ഥാനിലെ പ്രതിപക്ഷ പാർട്ടികളുടെ സഖ്യം രാജ്യവ്യാപകമായി പ്രതിഷേധവും തലസ്ഥാനത്തേക്ക് ലോംഗ് മാർച്ചും നടത്തും.
കറാച്ചിയിൽ 13നും ക്വറ്റയിൽ 17നും പെഷവാറിൽ 20നും പ്രതിഷേധം സംഘടിപ്പിക്കുമെന്ന് പിഎംഎൽ-എൻ നേതാവും പ്രതിപക്ഷ മുന്നണിയുടെ ജനറൽ സെക്രട്ടറിയുമായ ഷഹീദ് ഖാൻ പറഞ്ഞു. ലാഹോറിൽ പ്രതിഷേധം നടത്തിയശേഷം ഇസ്ലാമാബാദിലേക്ക് ലോംഗ് മാർച്ച് ചെയ്യാനാണ് തീരുമാനം. രാജ്യത്ത് ഇന്ധന-പാചകവാതക വില വർധിപ്പിച്ചതും വൈദ്യുതി നിരക്ക് വർധിപ്പിച്ചതും പിൻവലിക്കണമെന്നും പ്രതിപക്ഷ സഖ്യം വെർച്വൽ യോഗത്തിൽ ആവശ്യപ്പെട്ടു.