ന്യൂഡൽഹി: എച്ച്ആർഎച്ച് ചാൾസ് രാജകുമാരന്റെ ബ്രിട്ടീഷ് ഏഷ്യൻ ട്രസ്റ്റ്, മൈക്കൽ & സൂസൻ ഡെൽ ഫൗണ്ടേഷൻ എന്നിവ ഉൾപ്പെടുന്ന ഒരു കൂട്ടായ്മയുമായി സഹകരിച്ച് യുവ ‘എംപ്ലോയ്‌മെന്റ് റെഡി’ പദ്ധതിയുമായി നാഷണൽ സ്കിൽ ഡെവലപ്‌മെന്റ് കോർപ്പറേഷൻ (എൻഎസ്‌ഡിസി). ചിൽഡ്രൻസ് ഇൻവെസ്റ്റ്‌മെന്റ് ഫണ്ട് ഫൗണ്ടേഷൻ, എച്ച്എസ്ബിസി ഇന്ത്യ, ജെഎസ്ഡബ്ല്യു ഫൗണ്ടേഷൻ, ദുബായ് കെയേഴ്‌സ്, FCDO (UK Government) & USAID എന്നിവർ സാങ്കേതിക പങ്കാളികളാണ്. പൊതു, സ്വകാര്യ പങ്കാളികൾ, പൊതു സ്വകാര്യ പങ്കാളിത്ത സ്ഥാപനമായ NSDC എന്നിവ ഉൾപ്പെടുന്ന ആദ്യ ഇംപാക്ട് ബോണ്ട് കൂടിയാണ് സ്കിൽ ഇംപാക്ട് ബോണ്ട് (SIB). കോവിഡ് -19 മഹാമാരി മൂലം ജോലി നഷ്ടപ്പെട്ട ഇന്ത്യക്കാർക്ക്, പ്രത്യേകിച്ച് യുവാക്കളുടെയും സ്ത്രീകളുടെയും തൊഴിൽ പ്രതിസന്ധി പരിഹരിക്കുക എന്ന ലഷ്യത്തോടെയാണ് ഇംപാക്ട് ബോണ്ട് അവതരിപ്പിക്കുന്നത്.
നാല് വർഷത്തിനുള്ളിൽ ഇന്ത്യയിലെ 50,000 യുവാക്കൾക്ക് പ്രയോജനപ്പെടുന്നതിന് 14.4 ദശലക്ഷം യുഎസ് ഡോളർ ഫണ്ട് ഈ സഖ്യം ഒരുമിച്ച് കൊണ്ടുവന്നു. ടാർഗെറ്റ് ഗ്രൂപ്പിൽ 60 ശതമാനം സ്ത്രീകളും പെൺകുട്ടികളും ഉൾപ്പെടുന്നു, കൂടാതെ അവർക്ക് തൊഴിൽ പരിശീലനവും നൽകുകയും ആരോഗ്യ സംരക്ഷണം, ലോജിസ്റ്റിക്സ് എന്നിവയുൾപ്പെടെയുള്ള കോവിഡ് -19 വീണ്ടെടുക്കൽ മേഖലകളിൽ വേതന-തൊഴിൽ പ്രവേശനം നൽകുകയും ചെയ്യുന്നു. വിജ്ഞാന വിനിമയത്തിലൂടെയും നല്ല സമ്പ്രദായങ്ങൾ പ്രോത്സാഹിപ്പിക്കുന്നതിലൂടെയും ഇന്ത്യയുടെ നൈപുണ്യത്തിന്റെയും ടി വി ഇ ടി ഇക്കോസിസ്റ്റത്തിന്റെയും ശേഷി വളർത്തിയെടുക്കുക എന്നതാണ് പദ്ധതിയുടെ ലക്ഷ്യം. അപ്പോളോ മെഡ്‌സ്‌കിൽസ് ലിമിറ്റഡ്, ഗ്രാം തരംഗ് എംപ്ലോയബിലിറ്റി ട്രെയിനിംഗ് സർവീസസ് പ്രൈവറ്റ് ലിമിറ്റഡ്, ലേർനെറ്റ് സ്‌കിൽസ് ലിമിറ്റഡ്, മാജിക് ബസ് ഇന്ത്യ ഫൗണ്ടേഷൻ, പാനിഐഐടി അലുമ്‌നി ഫൗണ്ടേഷൻ തുടങ്ങിയ എൻഎസ്‌ഡിസി അഫിലിയേറ്റഡ് പരിശീലന പങ്കാളികൾ മുഖേനയാണ് പരിശീലനം നൽകുന്നത്.
