വാഷിംഗ്ടണ്‍ ഡിസി: ഐക്യരാഷ്ട്രസഭയിലെ മ്യാന്‍മറിന്‍റെ അംബാസിഡറെ അപായപ്പെടുത്തുക എന്ന ഉദ്ദേശ്യത്താല്‍ ഗൂഡാലോചന നടത്തിയ രണ്ടു പേര്‍ അറസ്റ്റില്‍. അമേരിക്കയിലെ ന്യൂയോര്‍ക്കില്‍ വച്ചാണ് അന്വേഷണ ഉദ്യോഗസ്ഥര്‍ ഇവരെ പിടികൂടിയത്.
ബര്‍മീസ് സൈന്യത്തിന് ആയുധങ്ങള്‍ വില്‍ക്കുന്ന തായ്‌ലന്‍ഡിലെ ആയുധ കച്ചവടക്കാരനുമായാണ് ഇവര്‍ ഗൂഡാലോചന നടത്തിയതെന്ന് അന്വേഷണ സംഘം പറഞ്ഞു. സംഭവത്തില്‍ കൂടുതല്‍ പരിശോധനകള്‍ നടന്നു വരികയാണ്.
