മോമോ ഗെയിമിനെ സംബന്ധിച്ച് മറ്റുള്ളവരില് ഭീതി പരത്തുന്നവര്ക്കെതിരെ ശക്തമായ നടപടിയെന്ന് പൊലീസ്. നിലവില് ആരും പേടിക്കേണ്ട സാഹചര്യമില്ല എന്നറിയിക്കുന്നു. കേരളത്തില് ഇതു സംബന്ധിച്ച് ഒരു കേസ്പോലും ഇതുവരെ റിപ്പോര്ട്ട് ചെയ്തിട്ടില്ല.
എന്നിരുന്നാലും ഇത്തരത്തില് യാതൊന്നും സംഭവിക്കാതിരിക്കുന്നതിനു രക്ഷിതാക്കള് തങ്ങളുടെ കുട്ടികളുടെ ഇന്റര്നെറ്റ് ഉപയോഗം ശ്രദ്ധിക്കണം. അസ്വാഭാവികമായി എന്തെങ്കിലും ശ്രദ്ധയില്പെട്ടാല് തൊട്ടടുത്തുള്ള പൊലീസ് സ്റ്റേഷനിലോ, ജില്ലാ സൈബര്സെല്ലിനേയോ, കേരള പൊലീസ് സൈബര്ഡോമിനെയോ അറിയിക്കണം.മോമോ ഗെയിമിനെ സംബന്ധിച്ച ചില വ്യാജ വാര്ത്തകള് പ്രചരിക്കുന്നതായി ശ്രദ്ധയില്പ്പെട്ടിട്ടുണ്ട്. ചില സാമൂഹിക വിരുദ്ധര് മറ്റുള്ളവരെ അനാവശ്യമായി ഭയപ്പെടുത്തുന്നതിലേക്കായി വ്യാജ നമ്പരുകളില് നിന്നും മോമോ എന്ന പേരില് വ്യാജ സന്ദേശങ്ങള് അയക്കുന്നതായി ശ്രദ്ധയില്പ്പെട്ടിട്ടുണ്ട്. ഇത്തരം വ്യാജപ്രചരണങ്ങള് വഴി മറ്റുള്ളവരെ ഭയപ്പെടുത്തുന്നവര്ക്കെതിരെ ശക്തമായ നിയമ നടപടികള് സ്വീകരിക്കുമെന്നും കേരളാ പൊലീസിന്റെ ഫേസ്ബുക്ക് പോസ്റ്റില് പറയുന്നു.
