മഹാരാഷ്ട്രയിലെ നിയമസഭാ തിരഞ്ഞെടുപ്പ് തീയതികള് ഇന്ന് പ്രഖ്യാപിക്കും. മഹായുതി, മഹാവികാസ് അഘാഡി സഖ്യങ്ങളിലെ സീറ്റ് വിഭജനം സംബന്ധിച്ച് ചര്ച്ചകള് നടക്കുകയാണ്.അതേസമയം, ഭരണകക്ഷിയായ മഹായുതി സഖ്യത്തില് സീറ്റ് വിഭജന ഫോര്മുല തീരുമാനിച്ചതായി എന്സിപി നേതാവ് പ്രഫുല് പട്ടേല് പറഞ്ഞു. 288ല് 230 സീറ്റുകളിലേക്കാണ് ധാരണയായത്.
225 മുതല് 230-235 സീറ്റുകളില് ഞങ്ങള് സമവായത്തിലെത്തിക്കഴിഞ്ഞു. മറ്റ് സീറ്റുകളുടെ കാര്യത്തിലെ തീരുമാനം അടുത്ത രണ്ടോ നാലോ ദിവസത്തിനുള്ളില് അറിയിക്കുമെന്ന് പട്ടേല് മാധ്യമപ്രവര്ത്തകരോട് പറഞ്ഞു.എന്സിപിയും ബിജെപിയും ഏകനാഥ് ഷിന്ഡെയുടെ ശിവസേനയും ഉള്പ്പെടുന്ന മഹായുതി സഖ്യം തമ്മിലുള്ള ഭിന്നതയെക്കുറിച്ചുള്ള റിപ്പോര്ട്ടുകള് മഹാരാഷ്ട്ര ഉപമുഖ്യമന്ത്രി അജിത് പവാര് വ്യക്തമാക്കിയതിന് തൊട്ടുപിന്നാലെയാണ് പട്ടേലിന്റെ പ്രസ്താവന.
അജിത് പവാര് നേരത്തെ മന്ത്രിസഭാ യോഗത്തില് നിന്ന് ഇറങ്ങിപ്പോയിരുന്നു. യോഗത്തില് നിന്ന് പുറത്തു പോയത് മഹായുതി സഖ്യത്തിനുള്ളില് വിള്ളലുണ്ടെന്ന ഊഹാപോഹങ്ങള്ക്ക് വഴിവെച്ചിരുന്നു.
