സംസ്ഥാന സര്ക്കാരിനും മുഖ്യമന്ത്രി പിണറായി വിജയനും സുപ്രീംകോടതിയില് ഇന്ന് നിര്ണ്ണായക ദിനം.മുപ്പത്തിലേറെ തവണ മാറ്റിവച്ചതിനുശേഷം ലാവലിന് കേസ ചീഫ് ജസ്റ്റിസ് യു യു ലളിത്, ബേല എം ത്രിവേദി എന്നിവരടങ്ങിയ ബെഞ്ച് പരിഗണിക്കും.
മുപ്പതില് കൂടുതല് തവണ മാറ്റിവെച്ചശേഷമാണ് ലാവലിന് ഹര്ജികള് ഇന്ന് കോടതി പരിഗണിക്കുന്നത്. ചീഫ് ജസ്റ്റിസ് അധ്യക്ഷനായ ബെഞ്ച് പരിഗണിക്കുന്ന എട്ടാമത്തെ കേസായിട്ടാണ് ലാവലിന് ഹര്ജികള് ലിസ്റ്റ് ചെയ്തിട്ടുള്ളത്. പിണറായി വിജയനെ കേസില് കുറ്റവിമുക്തനാക്കിയതിനെതിരെ സിബിഐ നല്കിയതടക്കമുള്ള ഹര്ജികളാണ് കോടതിയുടെ പരിഗണനയിലുള്ളത്.
കേസിന്റെ പ്രതിപ്പട്ടികയില് നിന്നും ഒഴിവാക്കണമെന്നാവശ്യപ്പെട്ട്, കെ കസ്തൂരി രംഗ അയ്യര്, ആര് ശിവദാസന്, കെ ജി രാജശേഖരന് നായര് എന്നിവര് നല്കിയ ഹര്ജികളും സുപ്രീം കോടതി അന്ന് പരിഗണിക്കും.