കേരള ബാങ്ക് എടിഎം തട്ടിപ്പുമായി ബന്ധപ്പെട്ട രണ്ട് പേർ പിടിയിൽ. മുഖ്യപ്രതിയെന്ന് കരുതുന്നയാൾ അടക്കം രണ്ട് ആളുകളുടെ പിടിയിലായിരിക്കുകയാണ്. പിടിയിലായവരുടെ പേര് വിവരങ്ങൾ പുറത്ത് വന്നിട്ടില്ല. ഇവരെ കേരളത്തിൽ നിന്ന് തന്നെയാണ് പിടികൂടിയിരിക്കുന്നതെന്ന സൂചനകളും പുറത്ത് വരുന്നുണ്ട്.
നോർത്ത് ഇന്ത്യയിൽ നിന്നുള്ള സംഘമാണോ തട്ടിപ്പിന് പിന്നിലെന്ന കാര്യങ്ങൾ പോലീസ് അന്വേഷിച്ച് വരികയായിരുന്നു. അതിനിടെയാണ് പ്രതികൾ പിടിയിലായിരിക്കുന്നത്. പ്രതികളുടെ വിവരങ്ങൾ പുറത്ത് വിടുന്നത് കേസിനെ പ്രതികൂലമായി ബാധിക്കുന്നതിന്റെ കാരണത്താലാണ് പോലീസ് പേര് വിവരങ്ങൾ പുറത്ത് വിടാത്തത്.
കേരളാ ബാങ്കിന്റെ തിരുവനന്തപുരം, കോട്ടയം, കാസർഗോഡ് ജില്ലകളിലെ എടിഎമ്മുകളിൽ നിന്നുള്ള പണം നഷ്ടപ്പെട്ടു. മൂന്ന് എടിഎമ്മുകളിൽ നിന്നായി 2.66 ലക്ഷം രൂപ നഷ്ടപ്പെട്ടു. ഇതിൽ ഏറ്റവും കൂടുതൽ പണം നഷ്ടപ്പെട്ടത് തിരുവനന്തപുരത്തെ കിഴക്കേക്കോട്ട, നെടുമങ്ങാട് എടിഎമ്മുകളിൽ നിന്നായിരുന്നു. വ്യാജ എടിഎം കാർഡ് ഉപയോഗിച്ചാണ് തട്ടിപ്പ് നടത്തിയിരിക്കുന്നതെന്ന് പോലീസ് കണ്ടെത്തി.
