ശ്രീനഗര്: ജമ്മു കശ്മീരിലെ പ്രളയത്തില് മരിച്ചവരുടെ എണ്ണം 215 കവിഞ്ഞു. കാലാവസ്ഥ ശാന്തമായതിനെ തുടര്ന്ന് സ്ഥിതിഗതികള് മെച്ചപ്പെട്ടിട്ടുണ്ട്. എന്നാല് ഒറ്റപ്പെട്ട് പോയ ജനങ്ങള് ആശങ്കകുലാരാണെന്നാണ് റിപ്പോര്ട്ട്. സൈന്യത്തിന്റെ രക്ഷാപ്രവര്ത്തനങ്ങള് തുടര്ന്ന് കൊണ്ടിരിക്കുകയാണ്. 90,000 പേരെ ഇതിനകം രക്ഷപ്പെടുത്തിയിട്ടുണ്ട്.രക്ഷാപ്രവര്ത്തനങ്ങള് ഊര്ജ്ജിതമായി നടക്കുന്നുണ്ടെങ്കിലും ഒറ്റപ്പെട്ട് പോയ ജനങ്ങള് രോഷാകുലരാണ്.
ഭക്ഷണവും വെള്ളവും ലഭിക്കാതെ കഴിയുന്നവര് ബഹളം വെയ്ക്കുന്നതായി റിപ്പോര്ട്ടുണ്ട്. കഴിഞ്ഞ ദിവസം ശ്രീനഗറിലെ രാംബാഗ് മേഖലയില് രക്ഷാപ്രവര്ത്തനം വൈകിയെന്നാരോപിച്ച് ദുരന്ത നിവാരണ സേനക്ക് നേരെ ആക്രമണമുണ്ടായിരുന്നു.
പ്രധാനമന്ത്രി നരേന്ദ്രമോഡി കഴിഞ്ഞ ദിവസം പ്രദേശത്തെ സ്ഥിതിഗതികള് വിലയിരുത്തിയിരുന്നു. ജലജന്യ രോഗങ്ങളെ കുറിച്ച് ജാഗ്രത പാലിക്കണമെന്നും പ്രധാനമന്ത്രി നിര്ദേശം നല്കിയിട്ടുണ്ട്.
