തദ്ദേശ സ്വയംഭരണസ്ഥാപനങ്ങളിലേക്കുളള തെരഞ്ഞെടുപ്പ് ഇന്ന് വൈകുന്നേരം പ്രഖ്യാപിക്കും. വൈകുന്നേരം മൂന്നരയ്ക്കാണ് തെരഞ്ഞെടുപ്പ് കമ്മിഷന്റെ വാര്ത്താ സമ്മേളനം. രണ്ട് ഘട്ടമായിട്ടാകും തെരഞ്ഞെടുപ്പ്. ഡിസംബര് 15ന് മുൻപ് തെരഞ്ഞെടുപ്പ് പ്രക്രിയകള് പൂര്ത്തിയാക്കി പുതിയ ഭരണസമിതികള് നിലവില് വരും. ഇതനുസരിച്ചാവും തെരഞ്ഞെടുപ്പ് തീയതി പ്രഖ്യാപിക്കുക.
ഒന്നിടവിട്ട ജില്ലകളില് രണ്ട് ഘട്ടമായി തെരഞ്ഞെടുപ്പ് നടത്താനാണ് ആലോചന. കഴിഞ്ഞ പ്രാവശ്യവും രണ്ട് ഘട്ടങ്ങളായാണ് വോട്ടെടുപ്പ് നടന്നത്. ഇത്തവണ ഒരു ഘട്ടമായി തിരഞ്ഞെടുപ്പ് നടത്താന് കമ്മിഷന് ആലോചിച്ചെങ്കിലും കൊവിഡ് പ്രോട്ടോക്കോള് പാലിച്ച് വോട്ടെടുപ്പ് നടത്താന് കൂടുതല് സേനാ വിന്യാസം വേണ്ടി വരുമെന്ന് പൊലീസ് വ്യക്തമാക്കി.
പ്രചാരണത്തിലും വോട്ടെടുപ്പിലും പാലിക്കേണ്ട പ്രോട്ടോക്കോള് ഇതിനോടകം കമ്മിഷന് പ്രഖ്യാപിച്ചിട്ടുണ്ട്. കൊവിഡ് ബാധിതര്ക്ക് തപാല് വോട്ട് അനുവദിക്കും. വോട്ടെടുപ്പിന് തലേദിവസം രോഗം വരുന്നവര്ക്കും വോട്ട് ചെയ്യാന് അവസരമൊരുക്കും. തെരഞ്ഞെടുപ്പ് അടുത്ത മാസം നടക്കുന്നതിനാല് ഒരു മാസത്തേക്ക് തദ്ദേശ സ്ഥാപനങ്ങളില് അഡ്മിനിസ്ട്രേറ്റീവ് ഭരണം വരും.