ചെന്നൈയില് കനത്ത മഴ തുടരുകയാണ്. ഇതുവരെ 5 പേര്ക്കാണ് മഴക്കെടുതിയില് ജീവന് നഷ്ടമായത്. മിഗ്ജൗമ് ചുഴലിക്കാറ്റ് തീവ്രചുഴലിക്കാറ്റായതോടെ തമിഴ്നാട്ടിലും ആന്ധ്രയിലും അതീവജാഗ്രതാ നിര്ദ്ദേശം തുടരുന്നു.ശക്തമായ കാറ്റും മഴയും തുടരുന്ന സാഹചര്യത്തിലാണ് ചെന്നൈ വിമാനത്താവളം ചൊവ്വാഴ്ച രാവിലെ ഒമ്പത് മണി വരെ അടച്ചിടാന് തീരുമാനിച്ചത്. നിലവില് 33 വിമാനങ്ങള് ബംഗളൂരിവിലേക്ക് വഴിതിരിച്ചുവിട്ടിട്ടുണ്ട്.
അത്യാവശ്യ കാര്യങ്ങള്ക്ക് മാത്രമേ പുറത്തിറങ്ങാവൂ എന്നാണ് ചെന്നൈയില് മുന്നറിയിപ്പ്. തീവ്രമഴ മുന്നറിയിപ്പ് വന്നതോടെ ചെന്നൈ, തിരുവള്ളൂര് , കാഞ്ചീപുരം, ചെങ്കല്പ്പേട്ട് ജില്ലകളില് പൊതു അവധി പ്രഖ്യാപിച്ചു.നാളെ ഉച്ചയോടെ ആന്ധയിലെ നെല്ലൂരുവും മച്ചിലപ്പട്ടണത്തിനും ഇടയില് മിഗ്ജൗമ് കര തൊടുമെന്നാണ് പ്രവചനം. കരയില് പ്രവേശിക്കുമ്പോള് 110 കിലോമീറ്റര് വരെ വേഗം പ്രതീക്ഷിക്കുന്നതിനാല് കനത്ത ജാഗ്രത പ്രഖ്യാപിച്ചിട്ടുണ്ട്.
