ന്യൂഡല്‍ഹി: രാജ്യദ്രോഹക്കുറ്റവുമായി ബന്ധപ്പെട്ട 124 എ വകുപ്പിലെ ഭരണഘടനാവിരുദ്ധത ചോദ്യം ചെയ്ത് വിരമിച്ച മേജര്‍ ജനറല്‍ എസ്.ജി വോംബത്ത്കീരെ സുപ്രീം കോടതിയില്‍ ഹര്‍ജി നല്‍കി. വകുപ്പ് വ്യക്തയില്ലാത്തതും പ്രതികരിക്കാനുള്ള സ്വാതന്ത്ര്യത്തിന് കൂച്ചുവിലങ്ങിടുന്നതാണെന്നും ഹര്‍ജിയില്‍ പറയുന്നു.
ചീഫ് ജസ്റ്റീസ് എന്‍.വി രമണ അധ്യക്ഷനായി ജസ്റ്റീസുമാരായ എ.എസ്.ബൊപ്പണ്ണ, ഹൃഷികേശ് റോയ് എന്നിവരുള്‍പ്പെട്ട ബെഞ്ച് കേസ് പരിഗണിക്കുകയും ഹര്‍ജിയുടെ ഒരു പകര്‍പ്പ് അറ്റോര്‍ണി ജനറലിനു നല്‍കാന്‍ നിര്‍ദേശിക്കുകയും ചെയ്തു.കേസ് ഇന്ന് വീണ്ടും പരിഗണിക്കും.
