ചന്ദ്രയാന് മൂന്ന് വിക്ഷേപണം ജൂലൈ 13നെന്ന് റിപ്പോര്ട്ട് . ഉച്ചയക്ക് 2.30ന് ശ്രീഹരിക്കോട്ടയിലെ രണ്ടാം നമ്പര് ലോഞ്ച് പാഡില് നിന്നായിരിക്കും വിക്ഷേപണം. വിക്ഷേപണത്തിനായി റോക്കറ്റ് ശ്രീഹരിക്കോട്ടയില് തയ്യാറായിക്കൊണ്ടിരിക്കുകയാണ്. ക്രോയജനിക് ഘട്ടം റോക്കറ്റുമായി കൂട്ടിച്ചേര്ത്തിട്ടില്ല.ചന്ദ്രന്റെ ദക്ഷിണ ധ്രുവത്തില് സോഫ്റ്റ് ലാന്ഡിംഗ് ആണ് ചന്ദ്രയാന് മൂന്ന് ദൗത്യത്തിന്റെ ലക്ഷ്യം. പ്രൊപ്പല്ഷന് മൊഡ്യൂള്, ലാന്ഡര്, റോവര് എന്നിവ അടങ്ങുന്നതാണ് ദൗത്യം.
ചന്ദ്രയാന് രണ്ടിന്റെ ഓര്ബിറ്റര് ഇപ്പോഴും പ്രവര്ത്തനക്ഷമമായതിനാല് തന്നെ മൂന്നാം ദൗത്യത്തില് ഓര്ബിറ്ററില് കാര്യമായ പരീക്ഷണ ഉപകരണങ്ങള് ഇല്ല.ഭൂമിയില് നിന്ന് പുറപ്പെട്ട് 40 ദിവസങ്ങള്ക്ക് ശേഷമായിരിക്കും ലാന്ഡിംഗ് ശ്രമം. ഇതിന് പിന്നാലെ സൂര്യനെ പഠിക്കാനുള്ള ആദിത്യ എല് 1 ദൗത്യം ആഗസ്റ്റില് വിക്ഷേപിക്കും. ഗഗന്യാന് പദ്ധതിയുടെ ഭാഗമായ ക്രൂ എസ്കേപ്പ് സിസ്റ്റം പരീക്ഷണവും ഈ വര്ഷം തന്നെ പൂര്ത്തിയാക്കുകയാണ് ലക്ഷ്യം.
