രാഹുൽ ഗാന്ധി നയിക്കുന്ന ഭാരത് ജോഡോ യാത്രയിൽ കൊവിഡ് മാർഗനിർദ്ദേശങ്ങൾ പാലിക്കണമെന്നാവർത്തിച്ച് കേന്ദ്ര സർക്കാർ.ഭാരത് ജോഡോ യാത്ര ഇന്ന് ദില്ലിയില് എത്തിയപ്പോഴാണ് കേന്ദ്രം വീണ്ടും മുന്നറിയിപ്പ് നൽകുന്നത്. ബദര്പൂര് അതിര്ത്തിയില് നിന്ന് ചെങ്കോട്ട വരെ 23 കിലോമീറ്ററാണ് ഇന്നത്തെ ഭാരത് ജോഡോ യാത്രാ പര്യടനം. ഭാരത് ജോഡോ യാത്രയെ ജനം ഏറ്റെടുത്തതിലുള്ള അമർഷമെന്ന് കനയ്യ കുമാർ വിമർശിച്ചു.
കേന്ദ്ര സർക്കാരിന്റെ വീഴ്ചകൾ മറയ്ക്കാൻ കൊവിഡിനെ കൂട്ടുപിടിക്കുന്നുവെന്ന് ജയറാം രമേശ് കുറ്റപ്പെടുത്തി. കൊവിഡ് മാനദണ്ഡങ്ങള് പാലിക്കണമെന്ന നിര്ദ്ദേശമുണ്ടെങ്കിലും അതെല്ലാം അവഗണിച്ചാണ് ഇപ്പോള് യാത്ര പുരോഗമിക്കുന്നത്. കൊവിഡിന്റെ പേരില് അനാവശ്യ ഭീതി പരത്തി ഭാരത് ജോഡോ യാത്ര നിര്ത്തി വയ്പിക്കാനാണ് കേന്ദ്രസര്ക്കാര് ശ്രമമമെന്ന് രാഹുല് ഗാന്ധി ആരോപിച്ചിരുന്നു.
