മിനിയപോളിസ്: അമേരിക്കന്‍ പൗരന്‍ ജോര്‍ജ് ഫ്ളോയിഡിന്‍റെ കൊലപാതകത്തില്‍ പ്രതിയായ ഒരു പോലീസ് ഉദ്യോഗസ്ഥന് കൂടി കോടതി ശിക്ഷ വിധിച്ചുകേസിലെ നാല് പ്രതികളിലൊരാളായ തോമസ് ലെയ്ന്‍ എന്ന ഉദ്യോഗസ്ഥനാണ് മിനിയപോളിസ് കോടതി രണ്ടര വര്‍ഷം തടവ് ശിക്ഷക്ക് വിധിച്ചത്.
മനുഷ്യാവകാശ ലംഘനം, കുറ്റകരമായ അനാസ്ഥ എന്നീ കുറ്റങ്ങളാണ് ലെയ്നിന് മേല്‍ പ്രോസിക്യൂഷന്‍ ആരോപിച്ചിരുന്നത്. 2020 മേയില്‍ ആണ് കേസിനാസ്പദമായ സംഭവം നടന്നത്. കള്ളനോട്ട് കൈവശം വച്ചു എന്ന സംശയത്തിലാണ് കറുത്ത വര്‍ഗക്കാരനായ ഫ്ളോയിഡിനെ മിനിയപോളിസ് പോലീസ് കസ്റ്റഡിയിലെടുത്തത്.
ഡെറിക് ചോവിന്‍ എന്ന ഉദ്യോഗസ്ഥന് കൈവിലങ്ങ് അണിയിക്കാന്‍ ശ്രമിക്കവെ ഫ്ളോയിഡിനെ കാല്‍മുട്ടുകൊണ്ട് കഴുത്ത് ഞെരിച്ച്‌ കൊല്ലുകയായിരുന്നു. ചോവിനെ മിനിയപോളിസ് കോടതി 21 വര്‍ഷം തടവിന് വിധിച്ചിരുന്നു. കേസിലെ പ്രതികളായ മറ്റ് രണ്ട് ഉദ്യോഗസ്ഥരുടെ വാദം കോടതി പരിഗണനയിലാണ്.
