ഇന്നസെന്റ് മരിച്ചുപോയി എന്ന് താന് വിശ്വസിക്കുന്നില്ലെന്ന് നടന് സലിം കുമാര്. അതുകൊണ്ട് തന്നെ ആദരാഞ്ജലികള് അര്പ്പിക്കുന്നില്ല.എന്നാലും മാസത്തില് രണ്ടു തവണയെങ്കിലും എന്റെ ഫോണില് തെളിഞ്ഞു വരാറുള്ള Innocent എന്ന പേര് ഇനി മുതല് വരില്ല എന്നോര്ക്കുമ്ബോള്…. ഇങ്ങനെ വികാരനിര്ഭരമായ കുറിപ്പാണ് സലിം ഫേസ്ബുക്കില് പങ്കുവച്ചത്.
ഫേസ്ബുക്ക് പോസ്റ്റ്-
”ഇന്നസെന്റ് എന്ന ചിരിമഴ പെയ്തു തീര്ന്നു.
എങ്കിലും ആ മഴ ചങ്കിലെ വൃക്ഷ തലപ്പുകളില് ബാക്കി വച്ചിട്ട് പോയ മഴത്തുള്ളികള് ഓര്മകളുടെ നനുത്ത കാറ്റില് ജീവിതാവസാനം വരെ നമ്മളില് പെയ്തുകൊണ്ടേയിരിക്കും
ഇന്നസെന്റ് ചേട്ടന് ഞാന് ആദരാഞ്ജലികള് അര്പ്പിക്കുന്നില്ല,
മരിച്ചു പോയി എന്നും ഞാന് വിശ്വസിക്കുന്നില്ല,
അദ്ദേഹം ദൂരെ എവിടെയോ, നമുക്കൊന്നും കാണാന് പറ്റാത്ത ഒരു ലൊക്കേഷനില് ഷൂട്ടിങ്ങിന് പോയതാണ് എന്ന് ഞാന് വിശ്വസിക്കുന്നു.
ഞാനുമുണ്ട് ആ സിനിമയില് പക്ഷേ എന്റെ ഡേറ്റ് ഇതുവരെ ആയിട്ടില്ല, ആവും, ആവാതിരിക്കാന് പറ്റില്ലലോ.
എന്നാലും മാസത്തില് രണ്ടു തവണയെങ്കിലും എന്റെ ഫോണില് തെളിഞ്ഞു വരാറുള്ള Innocent എന്ന പേര് ഇനി മുതല് വരില്ല എന്നോര്ക്കുമ്ബോള്………”
