11 കാരിയായ പെണ്കുട്ടിയെ മൂന്ന് യുവാക്കളെക്കൊണ്ട് കൂട്ട ബലാത്സംഗം ചെയ്യിപ്പിച്ച് 21 കാരി. മുംബൈയിലെ വിറാറിലാണ് സംഭവം.
21 കാരിയുടെ സുഹൃത്തുക്കളെ വിളിച്ച് വരുത്തിയാണ് കുറ്റകൃത്യം ചെയ്യിച്ചത്. കൂട്ടബലാത്സംഗം വീക്ഷിച്ചുകൊണ്ട് യുവതി അടുത്ത് തന്നെ നില്ക്കുകയും ചെയ്തു. സംഭവത്തില് യുവതി അടക്കം മൂന്ന് പേരെ പോലീസ് അറസ്റ്റ് ചെയ്തു.
കഴിഞ്ഞ ദിവസം വൈകീട്ടായിരുന്നു സംഭവം. കടയില് ഫോണ് നന്നാക്കാന് പോയ 11 കാരിയെ, യുവതി കറങ്ങാനായി കൂട്ടിക്കൊണ്ട് പോകുകയായിരുന്നു. കുട്ടിയെ വിജനമായ പ്രദേശത്ത് എത്തിച്ച ശേഷം ആണ് സുഹൃത്തുക്കളായ മൂന്ന് പേരെ വിളിച്ചുവരുത്തി. അര്ദ്ധരാത്രിയോടെ ഇവിടെ എത്തിയ ആളുകളെ കൊണ്ട് പെണ്കുട്ടിയുടെ കൈയ്യും കാലും കെട്ടിയിടീച്ചു. തുടര്ന്ന് മൂന്ന് യുവാക്കളും ചേര്ന്ന് കൂട്ടിയെ കൂട്ടബലാത്സംഗത്തിന് ഇരയാക്കി. ഇതെല്ലാം കണ്ടുകൊണ്ട് 21 കാരി അടുത്ത് തന്നെ നില്പ്പുണ്ടായിരുന്നു. അക്രമത്തിന് ശേഷം രാവിലെയോടെ കുട്ടിയെ വീടിന് സമീപത്ത് കൊണ്ടു വിട്ടു.
വീട്ടിലെത്തിയ പെണ്കുട്ടി മാതാപിതാക്കളോടാണ് ഇക്കാര്യം പറഞ്ഞത്. തുടര്ന്ന് മാതാപിതാക്കള് വിറാര് പോലീസില് പരാതി നല്കുകയായിരുന്നു. പോലീസ് നടത്തിയ അന്വേഷണത്തില് ആദ്യം 21 കാരിയെയാണ് പിടികൂടിയത്. രണ്ട് യുവാക്കളെക്കൂടി പോലീസ് അറസ്റ്റ് ചെയ്തു. ഇതില് ഒരാള് പച്ചക്കറി വ്യാപാരിയാണ്. മറ്റെയാള് കോളേജ് വിദ്യാര്ത്ഥിയും. മൂന്നാമത്തെ പ്രതിക്ക് വേണ്ടിയുള്ള അന്വേഷണം ഊര്ജ്ജിതമാക്കിയിട്ടുണ്ട്.