ന്യൂഡല്‍ഹി: സുപ്രീംകോടതി വിധിയുടെ അടിസ്ഥാനത്തില്‍ 51 യുവതികള്‍ ശബരിമല കയറിയെന്ന് സര്‍ക്കാര്‍. സുപ്രീംകോടതിയിലാണ് സര്‍ക്കാര്‍ ഇക്കാര്യം അറിയിച്ചത്. ശബരിമല കയറിയവരുടെ പട്ടികയും സര്‍ക്കാര്‍ സുപ്രീംകോടതിയില്‍ സമര്‍പ്പിച്ചു.
ശബരിമലയില്‍ കയറിയ യുവതികളുടെ ആധാര്‍ നന്പര്‍ അടക്കമാണ് സര്‍ക്കാര്‍ കോടതിയില്‍ പട്ടിക സമര്‍പ്പിച്ചത്. ആന്ധ്ര, തമിഴ്നാട് സംസ്ഥാനങ്ങളില്‍നിന്നുള്ളവരാണ് ഏറെയും ശബരിമലയില്‍ ദര്‍ശനം നടത്തിയത്. ആവശ്യപ്പെട്ടവര്‍ക്ക് സുരക്ഷ നല്‍കിയെന്നും സര്‍ക്കാര്‍ കോടതിയെ അറിയിച്ചു. കനക ദുര്‍ഗയും ബിന്ദുവും സമര്‍പ്പിച്ച ഹര്‍ജി പരിഗണിക്കവെയാണ് സര്‍ക്കാര്‍ ഇക്കാര്യം സുപ്രീംകോടതിയെ അറിയിച്ചത്. പത്തിനും 50നും ഇടയില്‍ പ്രായമുള്ളവരാണ് ശബരിമല കയറിയത്. 7,564 യുവതികളാണ് ഓണ്‍ ലൈന്‍ വഴി രജിസ്റ്റര്‍ ചെയ്തത്. ഇതില്‍ 51 പേരാണ് ശബരിമലയില്‍ ദര്‍ശനം നടത്തിയതെന്നും സര്‍ക്കാര്‍ കോടതിയെ അറിയിച്ചു.
