ഇസ്രായേലിന്റെ കനത്ത വ്യോമാക്രമണം തുടര്ന്നു. ഗാസ സിറ്റിയില്നിന്നും നാലു കിലോമീറ്റര് അകലെയായുള്ള ജബലിയയില് അഭയാര്ത്ഥി ക്യാമ്ബിനും പാര്പ്പിട സമുച്ചയത്തിനും നേരയുണ്ടായ ബോംബാക്രമണത്തില് 30 പേര് കൊല്ലപ്പെട്ടു.ഒരുപാട് പേര് കെട്ടിടത്തിനടിയില് കുടുങ്ങിക്കിടക്കുന്നതായാണ് വിവരം. 24 മണിക്കൂറിനിടെ ഗാസയില് കൊല്ലപ്പെട്ടവരുടെ എണ്ണം 270 പിന്നിട്ടു.
അതിനിടെ സഹായവുമായി കൂടുതല് ട്രക്കുകള് ഗാസയിലേക്ക് പ്രവേശിച്ചു. 14 ട്രക്കുകളാണ് റഫ അതിര്ത്തി കടന്ന് ഗാസയിലേക്ക് എത്തിയത്. ഹമാസ് നടത്തിയ വ്യോമാക്രമണത്തില് ഒരു ഇസ്രയേല് സൈനികന് കൊല്ലപ്പെട്ടു.
മൂന്ന് സൈനികര്ക്ക് പരിക്കേറ്റിട്ടുണ്ട്. ഗാസയിലെ ഖാന് യൂനിസിലേക്ക് കയറിയ സൈനികര്ക്ക് നേരയാണ് ആക്രമണം നടത്തിയതെന്ന് ഹമാസ് അവകാശപ്പെട്ടു. ലബനോന് അതിര്ത്തി കടന്ന് ഇസ്രയേല് വ്യോമ സേന ആക്രമണം നടത്തി.
ഹിസ്ബുല്ലയുടെ പോസ്റ്റുകള് തകര്ത്തതായി ഇസ്രയേല് അവകാശപ്പെട്ടു.
ഗാസയില് ആക്രമണം തുടര്ന്നാല് മേഖലയിലെ സ്ഥിതി നിയന്ത്രണാതീതമാകുമെന്ന് ഇറാന് മുന്നറിയിപ്പ് നല്കി.
